|
|
| Spjallþræðir > Gott í gogginn > Innlegg |
|
|
|
|
| Höfundur afródía |
Dagsetning 22. september 2002, kl. 12:13 |
| vill ekki einhver gefa mér góða uppskrift af kjúkling (sem er ekki of erfið!!!) |
|
|
|
| Höfundur Þúfa |
Dagsetning 22. september 2002, kl. 14:28 |
Hér eru nokkrar einfaldar:
Salsa-kjúklingabringur
kjúklingabringur
nachosflögur (ókryddaðar)
salsasósa (medium)
mosarella ostur (eða bara rifinn venjul.)
taco krydd
Kjúklingabringur eru skornar í litla bita og steiktar á pönnu og kryddaðar með taco kryddi eftir smekk. Nachosflögur eru settar í botninn á eldföstu móti og kjúklingurinn settur yfir, salsa sósu hellt yfir (c.a hálfri krukku). Osti stráð yfir allt saman. Bakað í ofni í c.a 15 mín. eða þar til osturinn er vel bráðinn og bakaður og allt er orðið heitt. Borið fram með fersku salati og sýrðum rjóma.
Tikka Masala
2 kjúklingabringur
1 græn paprika
1 laukur
1 krukka Tikka Masala frá Madra Jaffrey
Sjóðið kjúklingabringurnar í svona 5-10 mín. Saxið papriku og lauk niður og léttsteikið á pönnu. Rífið bringurnar niður og bætið út á pönnuna. Því næst sósunni og látið krauma í 10-15 mín. undir loki við lágan hita. Borið fram með naan-brauði og hvítlaukshrísgrjónum.
Fajita kjúklingavefja
1/2 bolli majónes
1/2 bolli salsasósa
4 tortillakökur
280g. kjúklingakjöt, steikt
2 rauðar eða grænar paprikur
2 rauðlaukar
Steikið paprikurnar létt á pönnu, ásamt rauðlauk. Blandið saman majónesi og salsa í skál, sigtið mesta safann af salsanu áður. Leggið steikt grænmetið á tortillakökurnar, ásamt majónesi og salsa og kjúklingi. Rúllið upp og berið fram. Gott að hita tortillakökurnar áður.
Sælkerakjúklingur
2 dl.BBQ-sósa.
1 dl.soyasósa.
1 dl.aprikósumarmelaði.
100g. púðusykur.
50g. smjör
Steiktur kjúklingur
Einn steiktur kjúklingur rifinn niður í eldfast mót. Sósan hituð í potti og hellt yfir kjúklinginn og látið liggja í minnst 1 klst. Sett í ofn í 30 mín. við 200°C.
Terra Nova kjúklingur
1 kjúklingur
1 dós Campbell´s aspassúpa
1 peli rjómi
2 tsk. karrý
2 tsk. hvítlauksduft, (má sleppa)
1 dós grænn aspas
pastaslaufur
ostur
ritskex
salthnetur
Kjúklingurinn er steiktur, soðinn eða grillaður og síðan er hann beinhreinsaður og skorinn í bita. Pastað soðið og síðan sett í botninn á vel smurðu eldföstu formi. Kjúklingabitunum dreift ofan á pastað. Aspasbitarnir settir ofan á í formið. Súpunni, rjómanum og kryddinu blandað saman og einnig smá af aspassafanum. Blöndunni er síðan hellt yfir matinn í forminu. Muldu ritskexi og salthnetum stráð yfir ásamt rifnum osti. Bakað í ofni.
|
|
|
|
|
